|
ترى طقـّت ارواحنا!!!! والله الدنيا ترى ما تسوى…. والرب واحد والعمر واحد…. ياجماعة بدنا نفتح الإيميل علشان ننبسط، مش علشان إطق ارواحنا يا جماعة بدنا نضحك، بدنا انحب الحياة، بدنا نتعلم شي جديد مفيد ما بدنا الانغلاق وضيقة الخلق… ما يكفي الدنيا فيها أحزان ومصايب.. كمان الإيميل ما خليتوه بحاله؟؟ عصير البرتقال ماركة الديك.. يسوي سرطان كورن فلكس النمر.. يسبب داء الجنون والمدري شنو.. مصنوع من أمعاء القطط والماعندهم لا شغله ولا عمله : قائمة بالمواد الغذائية اللي فيها مادة ABCD XWZ 007 واللي تقطع النسل وتذبح جميع البشر وتسبب التسونامي الدونت والبطاطس المقلية مخطط شنيع لنشر الصهيونية بواسطة دهن الخنزير والأضرب منهم: أمريكا تغزو ديار المسلمين بواسطة شيبس ليز وسنكرز، وقد وجب الجهاد واللي مسوين حالهم أطباء: شرب الماء البارد بعد أكل الكرشه = سرطان القولون، وسرطان المعدة، وسرطان الجهاز الهضمي كله شرب اللبن قبل الدجاج المشوي التكه (مش البروستد) = قرحة في المعدة إلى الأبد وما تروح أكل السلطة في ماعون مسطح من غير ليمون = ديسك في الظهر والرقبة واليد اليسرى وإذا معه ليمون = التهاب المفاصل والركب والإصبع الصغير عدم أكل وجبة الإفطار الساعة 6 بالضبط = انسداد في الأوردة بالإسمنت خبز الخباز = أمراض الكبد وإنفلونزا الدجاج واللي حاسبين حالهم اصحاب نصيحة: لا تاكلو سويت – لاتاكلو برجر – لا تاكلو آيس كريم – لا تاكلو سمارتيز _ لا تاكلو خبز وجبن لعد شوووووووووووووووو نوكل شطه مطه ؟؟ كل ما طلع شي جديد ذبحتونا عليه…. شيليز.. وكرسبي كريم.. وماكدونالد.. وستاربكس.. وبيبسي… هددوا العالم كله، وقرروا يخلو المسلمين يأكلو خنزير…. كل شي مسرطن؟؟؟ كلشي يسوى عقم كل شي زين وحلو وناجح… راساً.. فيه دهن خنزير وجزء من المؤامرة الصهيونية الكبرى..؟؟ ترى فلسطين راحت بدون دونت كرسبي كريم وأفغانستان يقصفونها كل يوم بقنابل متقدمة مش ببطاطس مكدونالد اتركوا هالخرابيط…. واتركوا حچي الإشاعات… الموبايل يسبب التفوئيد والصابون سرطان مباشر بدون أدنى شك وشامبو جونسون للأطفال اللي كلنا من وإحنا زعاطيط نغسل بيه يسبب السرطان ويقضي على الأجيال واللابتوب يسبب الحصبة والسلك تبع تلفزيون الصالة فيه ذبذبات خطيرة تسبب جنون البقر للاولاد دون سن الخامسة وللبنات عقم مؤكد كل مافتحنا الإيميل: إحذروا…. الامر خطير….. لا يجب السكوت عنه…. حصل في البحرين:…………… سيدة اخذت كرت فيه مادة مخدرة وصار بيها دوخة وسرقوا فلوسها
شو هالخرابيط ؟؟؟ تچذبو على الناس؟؟ واتطلعوا إشاعات وتروّجوها ليش؟؟؟ وكله بچفـّة… وإيميلات الحلال والحرام ومابينهما بچفـّة ثانية.. فتاوى الإيميل الحديثة هذا حرام، وذاك حرااااام مضاعف، وجهنم الحمرا تنتظركم كلكم، والموت وملك الموت يحسبون لكم الدقائق… هاي من غير وصايا وتحف الخبال: الشيخ فلان الفلاني مكشوف عنه الحجاب شاف بالمنام النبي (صلئ الله عليه وسلم) وكلكم لازم تقرو الإيميل ولازم اطرشووه لـ 10 أشخاص وإلا تره ينهار سد مأرب………. يمعودين؟؟؟ كافي عاد من سوالف الترهيب والفتاوى اللي معبيه الانترنت كل يوم…
وما يطققك عالاخر الا جماعة “ارسلها”…. لخاطر مدري مينو… ارسلها ترى تندم… ارسلها أمانة عليك يوم القيامة…. استحلفك أن ترسلها وانت مين… حتى اتحملني أمانة وتستحلفني مرة وحدة ؟؟؟ للانترنيت ولا للحرب؟؟؟ ولا هذا يلي يقولّك: إذا ما اتحب، لا ترسلها… بس الأجر يروح عليك… يعني الأجر هسع كله صار بهذا الإيميل…؟ أبواب الحسنات إنسدت كلها يعني؟؟؟ ويجيك واحد يتفلسف ويقول: لااتخلي الشيطان يخدعك وما ترسلها..احذر أن يوسوس لك إبليس أن لا ترسلها شوفوا وافهموا وانتبهوا ترا الشيطان ناصب عليكم وماكل بعقلكم حلاوة وانتوا بس تارسين الـ inbox بإيميلات متشابهة كل يوم نفسها توصلنا ويجوك عباقرة الرياضيات: انشرها مرة تكسب 456739832469 حسنة انشرها مرتين تكسب 8496565045945476644 44748700000 حسنة بسسسسسسسسس عاد……. ملـّـينا.. حتى الدين ما رحمتوه؟؟ ياجماعة.. “الكلمة طيبة صدقة” والدين يسر… الإيميل وسيلة تبادل معلومات صحيحة وحلوة ومفيدة… مش منبر خرافات، ولا مركز خدمات أمراض الموت… ولا مركز التحذيرات من عصابات البش والدبش، ولا أداة للتنفير من الدين ونشر فتاوى شيوخ سبيس تون وإذا الإيميل إله قيمة وبي فايدة الكل راح ينشره ويرسلة بدون هالصيغ التنفيرية وطريقة أرجوك.. رجاءا.. إذا ممكن… أبوس خشمك ترسلها عوفوووووووووووووووها والناس أدرى باللي ينفعهم، ما يحتاجون أحد يقول لهم شويسوو خلوا الإيميل جزء حلو من اليوم، يرسم ابتسامة، ويضيف معلومة والشكر موصول للاخ محمد سعدي ,,العراق
|
2 عدد التعليقات على “ترى طقـّت ارواحنا”
أضف تعليق.
يجب أن تكون مسجل لإضافة تعليق.
8 يناير, 2010 في الساعة 7:41 م
Wallah enak 9ade8
18 يناير, 2010 في الساعة 2:22 ص
والله معك حق انا هاي القصه بكرهها ….. بس عنجد اسلوب العرض كان رائع منك وكان كمان في شوية كوميديا حلوه يعطيك العافيه …..